كعب الغزال للكاتبة منال عباس الحلقة الثانية

الاتنين محتاجين بعض تسلم افكارك يا سوزان 
سوزان بحب وافقى يا حبيبتي ومش هتندمى ...ويلا قومى جهزى شنطتك 
ولأول مرة منذ عشرون عاما توافق رانيا أن تترك الفيلا وتغادرها ...
عند جواد 
يصل إليه فارس 
فارس اي يا عم مش كنت تجيلى بدل ما نقعد فى الفيلا المهجورة دى ثم يكمل وهو ينظر بتعجب 
ايه دا لحقت نضفتها وكمان شامم ريحة اكل حلوة انت كمان بتطبخ 
جواد نفسي مرة تسكت وتسمع أد ما بتتكلم كدا 
فارس الله هو فى ايه الخدم دول جم امتى مش المفروض انك جاى هنا فى سريه !
جواد سرية ايه بقي ..انا جيت لقيت الفيلا محتلة ..وبدأ يقص عليه ما حدث ...
فارس غريب الكلام دا ..وايه علاقة البنت دى بوالدك ...تكونش البنت دى هى اللى زقنها على والدك علشان يقدروا يدخلوا البضاعه المستشفى 
وخصوصا أن البنت دى زى ما بتقول انها دكتورة ..تعالى معايا نطلع ليها فوق اما نشوف اخرتها 
صعد كليهما إلى حجرة غزال 
ليقف فارس متسمرا 
فارس معقول غزااال !! 
جواد انت تعرفها 
فارس فى حد ما يعرفش الملاك البريئ ..دى دكتور غزال فاكر لما انصابت من كام شهر ...
دكتور غزال هى كانت الطبيب المعالج ليا وبسببها بعد ربنا قدرت تطلع من كتفى بكل احترافيه ...مش معقول دكتور غزال تكون مشتركه فى حاجه غلط ..مستحيل ..
اقترب فارس منها ليرفع بعض من خصلات شعرها عن وجهها شعر جواد بغيرة بعيدا عنها 
جواد ما يصحش كدا يا فارس انت عارف انها واخدة حقنه مهدئه ..يلا بينا نطلع من هنا 
فارس بغمزة انت بتغير ولا ايه يا جيدو 
جواد بحزم امسكه من ياقه قميصه ليخرجه خارج الغرفه ...
جواد اتفضل دى البطاقه الشخصيه بتاعتها عايزك تصورها على الفون زى الشاطر كدا وتجيبلى كل بيانات البنت دى 
فارس طب افهم انت ناوى على ايه 
جواد بعدين اعرفك كل حاجه 
فارس هات يا سيدى ..وأمرى لله مستحملك بس علشان خاطر سهر 
جواد امشي بدل ما اطلع روحك دلوقتى 
فارس ماشي يا ابو نسب ويتركه ويغادر بسرعه ...
يبتسم جواد على أسلوب فارس ..فهو يعرفه جيدا ...ومتأكد أنه انسب عريس لأخته الصغيرة سهر 
يتذكر جواد تلك الفتاة ويكرر إعادة البطاقه لها يصعد إلى حجرتها ويفتح الباب ليجدها لازالت نائمه يعيد البطاقه فى حقيبتها وكاد أن يخرج ليسمع صوتها 
غزال بصوت هامس مش هعرف اعيش من غيرك ..تعالى ليا ارجوك ارجع 
اقترب جواد منها ظنا منه أنها تحدثه 
غزال انا مش عايزة حد من الدنيا غيرك صدقنى ارجوك ..ارجوك ما تسبنيش ليقترب جواد منها أكثر ليتأمل ملامحها الجميلة الجذابه 
جواد بصوت يخرج متحشرج مما يشعر به هو انتى تعرفينى علشان تقولى كدا ..
تردد غزال نفس الكلمات بقولك عايزاك ما تسبنيش يقترب أكثر جواد وقلبه يدق بسرعه لتجذبه إليها د الكرمزتين لم يستطيع تمالك نفسه 
على دخول ......يتبع
كعب_الغزال بقلم
منال_عباس