قصه نوفيلا يوميات مراهقة للكاتبة نورهان ناصر الجزء الاول

تحت بروده وهو يردف 
_ مش هتقدر تعمل حاجه أنا مامن نفسي كويس أنت كداب وبعدين البنات دول مش من القاهرة دول من المنصورة ومش هتقدر تستغل ده لأن مش أنت اللي هددتكم ....
لم يدعه منذر يكمل وهو يلكمه بقوة في معدته 
_ أنت عمال تهددنا أهو بنشر الصور .
ضحك إسلام باستفزاز
_ هددتكم وش لوش مفيش محادثات تستغلوها العب غيرها ثم إن تلفوني محدش يقدر يهكره ....
تمتم منذر بغيظ وهو ېخنقه بين يديه
_ لا اتهكر يا حيلتها ودلوقت بقى يا حلو الملامح خد دي .
ختم جملته وهو يعطيه روسيه برأسه ثم ألقاه باشمئزاز بعد أن بصق عليه واتجه إلى هاله وهو يقول بقلق 
_ أنت كويسه عملك حاجه .
حركت هاله رأسها بالنفي وهي تقول بحزن 
_ لا معمليش الحيوان ده أنا ضړبته بردو على فكره واعرف احمي نفسي كويس .
ضربها منذر بخفه على رأسها وهو يقول بحاجب مرفوع
_ لا يا شيخه امال مين اللي كان پيصرخ زي العرسه اللي دلقوا عليها جردل مايه في عز الشتا منذر ...منذر ..الحقني ..النجدة ...هيلب ....
ضړبته هاله على صدره بغيظ فابتسم منذر بقلة حيلة ثم قبض يده وبسطها فقالت هاله بقلق وهي تتفحص يده 
_ إيدك پتنزف .
سحب منذر يده من يدها وهو يبتسم بخفوت وقال 
_ علشان ركزت عليها هي بس متقلقيش مفيهاش حاجه مقولتليش الزفت ده كان عايز إيه منك وليه قفل الباب .
فركت هاله أصابعها بتوتر وهي تقول بدموع
_ هو ..هو كان طالب أيدي بس لما عرفت بحقيقته رفضته فحبسني هنا وكان عايز يصورني علشان يجبرني أوافق عليه .
نظر لها منذر بعتاب وهو يقول 
_ مش ده فتى أحلامك .
ضړبته هاله على كتفه قائلة بدموع 
_ ده كان طيش وبس عمره ما كان فتى أحلامي .
_ فتى أحلامي أنت وبس .
قالتها هاله بعيونها فهمس منذر پغضب شديد
_ شوفي طيشك كان هيوصلك لفين اختاري صح بقى وبطلي هبل .
_ ما أنا أخترت بس
متأخر .
ومجددا تحدثت العيون ليقول منذر وهو يتحاشى النظر إلى عينيها التي تنظران له بنظرات مختلفه 
_طب يالا قدامي يا بجرة .
قالت هاله بتوتر وهي تنظر إلى إسلام 
_ منذر هو قال معاه نسخ تانيه أنا ....
قاطعها منذر ببسمة صغيرة
_ اشش ده كداب وحتى لو معاه فانت ناسيه أهم حاجه يا بجرتي شايفه دي .
أعقب حديثه وهو يشير إلى زاوية في سقف القاعة ثم تابع حديثه 
_ من وقت السړقة اللي حصلت في القاعه وهما ركبوا الكاميرا ويظهر المتخلف نسيها خالص وحتى لو باعت نسخ تانيه فاحنا هنعرف نمسحها بردو متقلقيش .
ابتسمت هاله بارتياح
_الحمد لله يارب إن فيه كاميرا هنا راحت عن بالي خالص دلوقت أنا مش خاېفه من حاجه .
قال منذر بنبرة صادقة وهو يبتسم بخفه 
_ مش عايزك تخافي أبدا طول ما منذر معاك أنا هكلم أستاذ مروان ياجي علشان نقوله على الوضع كله ونفرغ كاميرات المراقبه وتلفون الوس ده هو دليل إدانته متقلقيش من حاجه .
بحب همست هاله بعيون دامعة 
_ تعرف إني بحبك أوي يا منذر .
توقف قلبه عن النبض وهو ينظر لملامح وجهها بذهول فقالت هاله بحرج وحزن عندما أدركت ما تفوهت به فهو لا يحبها ويحب غيرها لذلك اردفت بتصحيح
_ أقصد يعني أنت أخويا اللي مخلفتوش أمي شكرا إنك في ضهري دايما .
اختفت ابتسامته ليقول ببسمة مصطنعه 
_ وهفضل معاك وفي ضهرك المهم يالا تعالي اطلعي أنت عقبال ما أقفل البيبان دي لحسن يفوق ويهرب .
..............................................
بعد مرور بعض الوقت
كان المعلم مروان صاحب السنتر يجلس على كرسي مكتبه
وهو يستمع لحديث هاله ومنذر وبدأوا بمشاهدة تسجيل الكاميرات وما إن انتهوا أردف مروان بهدوء
_ تمام كدا اتفضلوا انتوا وأنا هتصرف ....
قاطعه منذر وهو يقول 
_ مع احترامي لحضرتك بس الموضوع مش هيقتصر على طرده هو حاول التعدي على زميلتي وكمان حپسها وحاول يبتزنا بالصور فأنا مش هامشي من هنا إلا لما البوليس يوصل .
شبك مروان أصابع يديه ببعضهما وهو يقول بهدوء 
_ منذر اسمعني اللي قولته كله هيتعمل متقلقش بس أنت شايف حالة هاله عامله ازاي وتلفوناتكم مبطلتش رن خدها وامشي وأنا هتكفل بالباقي متقلقش .
نظر منذر إلى هاله التي تبكي بصمت ف لانت ملامح وجهه ليقول 
_ تمام هفضل على تواصل معاك .
همست هاله بدموع 
_ هو ينفع اسمي ميتذكرش خدوا من هنا بس بلاش اسمي ينذكر.
نظر لها منذر وهو يقطب حاجبيه باستغراب
_ بس يا هاله .....
أردف مروان يقاطعه بهدوء 
_ هخلي الموضوع بشكل سري متقلقيش محدش من زمايلكم هيعرف حاجه بس طبعا أهلك لازم يكون عندهم علم باللي حصل معاك .
ابتسمت هاله بخفوت وهي توما برأسها
_ أكيد طبعا شكرا لحضرتك .
وبهذه الكلمات ختمت هاله حديثها وذهبت مع منذر وطوال الطريق وهما صامتان ما عدا هاله المستمرة بالبكاء توقف منذر وهو يقول 
_ كفايه يا هاله .
جلست هاله على الرصيف وهي تقول بدموع شديدة
_ متوقعتش أنه حقېر كدا أنا مصدومه أول مره اتعرض لموقف زي ده تخيل لو انت مجتش كان هيحصل لي إيه كنت هضيع حسبي الله ونعم الوكيل .
أطلق منذر تنهيدة قوية هو يعلم أنها مصدومه بمن عدته حبيبا وسلمته قلبها ثم جلس بجوارها وهو يقول بغصه ونبرة مبطنه بالسخرية 
_ مراية الحب عاميه معلش .
الټفت له هاله وهي تحدقه بعيون متسعة غاضبه ثم ضړبته على صدره پغضب شديد وهي تدفعه 
_ أنا
محبتوش افهم بقى .
حرك منذر رأسه بعدم تصديق وهو يتذكر الرساله واعترافها ثم ابتسم بسخرية وهو يردف 
_ واضح أوي يا هاله يالا قدامي على البيت.
_ انت مش مصدقني .
سألته هاله بنبرة خافته ضعيفه فاغمض منذر عينيه ثم نظر إليها وقال پألم في عينيه سرعان ما أخفاه تحت قناع اللامبالاة 
_ هاله دي حياتك أنت وأنت اللي هتخطيها لو سمحتي كوني صريحه مع نفسك وبلاش تنكري اللي كلنا لاحظناه انهارده إسلام بيقولي إن الكل مفكر إني أنا وأنت بنحب بعض مع أنهم لو بصوا كويس هيلاحظوا نظراتك أنت ل إسلام وحرصك إنك متفوتيش ولا كورس أو مراجعه ليه أنت اللي عطيتي فرصه لكل.. زي ده يحطك في موقف زي ده واهو حتى مطلعش بيحبك زي ما بتحبيه مجرد أنه وس.. كان عايز يصورك علشان يبتزك زيك زي غيرك أنا الومه هو ليه وأنت اللي ادتيه فرصه .
كانت هاله تستمع له وقلبها قد تمزق من الحزن هي تدرك أنها تصرفت بطيش ولكن هي لم تقصد كل هذا هي بسبب هذا الموقف أدركت من تحب بصدق ولكن أدركت متأخرا لتقول بدموع وهي تنظر صوب عينيه
_ تمام ما دام انت مصر إني واحده رخيصه وعطتله إشارة يبقى ......
وضع منذر يده على فمها ېصرخ بها پغضب 
_ اخرسي هاله اللي ربيتها مش واحده رخيصه أنت اتغيرتي أوي ...هاله اللي أنا عارفها مكنتش تعرف غير منذر وبس إنما أنت من وقت الثانوية وحالك اتشقلب وكل يوم أسمع عن حد شكل معجبه بيه فايوه أنت بتستهلكي مشاعرك في كلام فاضي والوس.. إسلام ده مكنش هيفكر فيك بطريقه مش كويسه لو ملاحظش نظراتك ليه !.
_ أنت بتقول إيه هو كان هيتقدم لي مشافنيش زي البنات اللي يعرفها بس أنا اللي رفضت لأني مش مستعدة دلوقت .
نظر لها منذر پألم وهو يقول بداخل عقله 
_ هو ده بس سبب رفضك .
تحدثت عينيها بما اخفته
_ لا مش ده السبب لاني بحبك يا غبي .
مسح منذر على وجهه ثم نظر إليها بجمود
_ هاله زي ما قولتلك دي حياتك وأنت حره المهم يالا اركبي علشان نروح ونحكي لعيلتك اللي حصل .
قالت هاله وهي تمسح دموعها 
_ أنا هروح لوحدي .
نهض منذر وطالعها بنظرات مستنكرة
_ نعم لوحدك هاله قومي يالا معايا .
أعادت هاله حديثها وهي تتحاشى النظر إليه 
_ اتفضل روح أنا هروح لوحدي .
شد منذر على شعره پغضب ثم مد يده وأمسك بيدها وهو يردف بضيق
_ مش هكرر كلمتي تاني قومي يالا وإلا هاسحبك .....
قاطعته هاله وهي تحاول سحب يدها من قبضة يده 
_ أوعى سيب أيدي أنا مش بقرة هاتسحبني وراك كدا .
زفر منذر أنفاسه وهو يحاول تهدئة ذاته ثم أردف بنبرة هادئة نوعا ما
_ لا بجرة وهتفضلي بجرتي الحلوب يالا .
من بين كل ما يمكن أن تقوله وجدت هاله نفسها تردف بغباء 
_ بقى عندك بقرة غيري .
نظر لها منذر ثواني بذهول وهو يستوعب معنى حديثها ثم قهقه ضاحكا حتى أدمعت عينيه في حين خفق قلب هاله بقوة عندما اخترقت ضحكاته فؤادها ليردف منذر بعد أن تمالك ذاته 
_ لا مفيش بقرة زي بجرتي الحلوب دي أنا مربيها وبعدين التانيه دي الحب دي يا هاله ميتقالش عليها بقرة .
رفعت هاله يده الممسكة بيدها ثم غرزت أسنانها بها وهي تصرخ به پغضب 
_ هتفضل جح ش طول عمرك .
تاوه منذر
وهو يطالع رسمة الساعه في ساعده والتي حفرتها أسنانها ليقول پغضب
_ بجرة عليا الطلاق بالتلاته هتفضلي طول عمرك حل وفه يا هاله .
اردفت هاله وهي تنهض تعدل ثيابها ثم وضعت حقيبتها على كتفها 
_ حل وفه في عينك يا جح ش أنت قال الحب يا هاله حابتك عقربه تكون سامه يا بعيد أنت وفرقع لوز بتاعتك دي .
ضحك منذر بشده واتجه إلى الدراجه وهو يقول بمرح
_ يا بت دي هاتبقى مرات أخوك احترميها.
انحنت هاله تحمل إحدى الأحجار الصغيرة ثم ألقتها عليه پغضب شديد ووجهها محمر من الڠضب لتزداد ضحكات منذر فقالت هاله بغيظ 
_ أنت عايز ټحرق دمي يعني يعني من بين كل بنات حواء ملقتش غير نرمين يا منذر .
ابتسم منذر وهو يدير المفتاح في الدراجه 
_ ومالها نرمين يا بجرة بنوته رقيقه وعامله زي بسكوت نواعم مش زيك يا جعفر العمده أنت .
قبضت هاله على يدها بقوة ثم انحنت تحمل قطعة حجارة أخرى وما كادت تلقيها عليه إذ صدح صوت بجوارهم
_ ارمي الطوبة يا بنتي عملك ايه الواد ده وانا اجبلك حقك منه .
نظرت هاله إلى الرجل العجوز وهي تشعر بالحرج ثم اخفضت يدها لتقول بخبث 
_ بيعاكسني.
اتسعت حدقة عينه پصدمه ليقول بحنق
_ آه يا متخلفه اعاكس فيك إيه ياللي مفكيش ريحه من الأنوثة أنت يا بجرة .
لمعت الدموع في عينيها لتقول بغيظ
_ شايف يا عمي قلة أدبه انسان بجح .
قال الرجل وهو يوزع أنظاره ما بينهما 
_ لا ملكش حق البنت كيف القمر عمتا امشي يا بنتي وانا هلملك شباب الحته يروقوا .
كتمت هاله ضحكة كادت تنفلت من شفتيها وهي تقول 
_ لا خلاص حصل خير المسامح كريم