سلسه عشقك اهلكني بقلم سوليه نصار

كانت دموعي بتنزل مش مصدقة اللي جات وقالته ليا غمضت عيني وانا بفتكر اللي قالته دعاء 
فلاش باك
انا جاي ليكي هنا وبترجاكي أنك متتجوزيش جوزي ومتد مريش حياتنا الرجالة مخلصتش يا بسنت !!
قالتها ليا كانت بتترجاني كانت الدموع بتنزل من عينيها انا حسيت بخنقة كبيرة مش قادرة اصدق أنها بتعمل كده هي اللي كانت مصممة تكمل الجوازة دي دلوقتي بتتراجع!!!
ايه اللي انتي بتقوليه ده يا دعاء انتي واعيه بتقولي ايه !مفيش حاجة تمت غ صب عنك انتي اللي بنفسك اللي سعيتي عشان اتجوز سلطان انتي اللي اقنعتيه وبعد ما خلاص كتب كتابي هيكون بكرة عايزاني الغي كل حاجة عايزاني ادمر احلامي بإيدي !!!!
بكيت وقالت بقلم سولييه نصار 
كنت غلطانة كنت غبية يا بسنت مكانش لازم أعمل كده أنا اكتشفت اني بحب سلطان أنا بعشقه مش هقدر اشارك حد فيه عشان خاطري الغي كل حاجة وربنا هيعوضك بالاحسن منه 
هزيت راسي وبكبت وهي بتقول 
أنتي انانية يا دعاء عايزة تدمري حياتي بعد ما خلاص الدنيا ضحكتلي وهتجوز أخيرا بعد ما عديت التلاتين سنة جاية تقفليها في وشي حرام عليكي انتي من الأول قولتي أنك مش معترضة على جوازي من جوزك انتي بنفسك جيتي طلبتيني ايه اللي حصل أنا اترجيتك واترجيت سلطان انكم توقفوا كل حاجة وانتوا قلتوا هتكملوا جايين دلوقتي تكس روا فرحتي وفرحة أهلي اتقوا الله 
عي طت وهي بتقول بإ نهيار 
غيرت رأيي أنا مش هستحمل ان جوزي يتجوز عليا افهميني ارجوكي مش هقدر ده صعب عليا 
ومكانش صعب ليه الشهور اللي فاتت مكانش صعب ليه وانتي شغاله تزني عليا عشان اتجوز جوزك وبتقولي مش معترضة وانك هتعامليني كأختك هي قلوب الناس لعبة في ايديكي يا دعاء حرام عليكي عايزة تحر قي قلبي وقلب اهلي ليه اتقي الله لا يا دعاء أنا اسفة أنا مش لعبة في ايديكي أنا مش موافقة أنا هكمل في الجوازة دي لما سلطان بنفسه يقول مش عايز أنا هبعد 
باك 
خرجت من شرودي وانا بعيط جامد ليه جاية دلوقتي وعايزة تد مر فرحتي ليه مجاتش من قبل من قبل ما اجهز نفسي أنا اتكلمت كذا مرة وقولت لسلطان لو عايز يسيبني يسيبني دلوقتي اومال ليه بتعمل كده ليه !!!!
تاني يوم 
كان البيت في حالة حركة بسبب كتب كتابي لقيت سلطان فجأة جه واللي قاله صدمني 
يعني ايه عايز تلغي كتب الكتاب هي بنات الناس لعبة في ايديك يا أستاذ سلطان !
قالها بابا پغضب وبسنت كانت پتبكي بص سلطان لبسنت وقال 
يا عمي أنا بسأل بسنت سؤال وهي اللي تحدد هل هي عايزة تتجوزني مستعدة تدخل حياتي وقلبي مفهوش مكان ليها تقبل انها مش هتتحب مني هتتقبل آني مش هحب الا مراتي الأولى وممكن اظ لمها هل يا بسنت عندك القدرة تقبلي ده 
بصتله وانا بعيط فقال 
انا عارف اني غلطت في حقك وعمري ما هسامح نفسي بس صدقيني حاولت
مش قادر اشوف حد غير مراتي قلبي مش قادر يتقبل غيرها 
لكن انتي من حقك تحبي وتتحبي وحد يعاملك زي الملكة مش تدخلي حياة حد مش هيقدر يحبك بسنت انتي تستاهلي اللي احسن مني بكتير بس لو مصممة نتجوز هتمم كتب الكتاب عايزانا نكتب الكتاب يا بسنت 
عيطت وانا بهز راسء بلأ مكنتش عايزة تقبل أقل من اللي تستحقه يمكن كلام سلطان صح يمكن نصيبها هيكون مع حد احسن منه 
جاتلك فرصة وقولتي لا انتي ايه غب ية !!
بابا زعق فيا وهو ماسك
ايدي جامد عيطت وانا ببعد وپصرخ فيهم 
حرام عليكم سبوني في حالي أنا أعمل ايه الراجل جه وقالي مش عايزك هو انا هتر جي كل واحد عشان يتجوزني اتقوا الله حر ام عليكم ليه محدش بيفكر فيا أنا برضه عندي مشاعر وبحس أنا ميهمنيش كلام الناس قد كلامكم اللي بيد بحني من جوا خلفتوني ليه لو مش هتحبوني ده أمر ربنا أنا هعترض ليه هي الحياة كلها جواز يا بابا أنا والله تعبت لو مش عايزيني معاكم وعايزين تر موني لأي حد خلاص مو توني وارتاحوا مني عشان كمان ترتاحوا من كلام الناس بس خلاص كفاية أنا لو هتجوز هتجوز واحد عايزني مش واحد مجبو ر عليا دي حياتي وده قراري ومش هتراجع فيه أنا حياتي مش هتقف عشان جواز أنا هخرج واشتغل هعتمد على نفسي مش هفضل عشان اسمع كلامكم اللي بېقتلني بالحيا انتوا عملتوا فيا أسوأ من اللي عمله فيا الغريب!!!
مرت الأيام ولقيت شغل مساعدة في عيادة دكتور أطفال كبير في السن 
صاحبتي سارة لما عرفت اللي حصل حاولت تتواصل معايا بس انا قفلت منها انا مقدرة مشاعرها بس مر عب أن صاحبة عمرك ترميك برا حياتها من غير ما حتى تديكي نصيحة مقدرش ارجع حد ر ماني من حياته بالشكل ده 
اهلي بدؤا يتفهموني شوية وبطلوا يضغطوا عليا خالص وانا بدأت ارتاح في شغلي الجديد 
بعد شهرين بدأت انتبه لشخص مركز معايا اووي كان بيجي دايما للدكتور بسبب بنته اللي عندها خمس سنين كانت نظراته بتخلي وشي محمر من الكسوف بعدها بفترة لقيته بيقرب مني ومن غير ما مقدمة بيقولي 
عايز رقم والدك 
رمشت پصدمة بس هو فضل باصصلي وقال 
عايز رقم والدك 
معرفش ليه لا اراديا اديتله رقم بابا وبعدها اللي حصل زي الخيال اتعرفت على آسر اللي طلع نعمة بجد آسر واللي عرفت ان البنت الصغيرة أسيل دي تبقى بنت أخته وهو اللي كان بيربيها بسبب مو ت أخته وجوزها أنا لسه فاكرة كلام آسر ليا كان بيقول انه من أول ما شافني عرف اني هي اللي هيقضي معاها حياته طول عمره كان طلبه بسيط اني اعامل أسيل كأنها بنتي وبالفعل ده اللي قررت اعمله 
آسر حبني لنفسي حسسني اني ولاول مرة جميلة واستحق اتحب صحيح اتك سرت بسبب سلطان ومراته بس ربنا عوضني بآسر 
يوم فرحنا كان بيرقص معايا وهو بيبصلي بحب مكنتش قادرة اصدق ان الحب ده ليا أنا كنت سعيدة كنت طايرة من الفرحة 
انا عملت ايه حلو في حياتي عشان تبقي من نصيبي 
قولتها بحب فابتسم وقال 
نفس اللي بسأله لنفسي بسأل كتير ايه الحلو اللي عملته عشان اتجوزك بحبك يا بسنت 
ابتسمت بسعادة وقولت 
وأنا كمان 
تمت
حلاوة_العشق
سولييه_نصار