مأساة حورية الحلقة الثالثة و الرابعة فريدة احمد
قالت مفيش انا داخلة انام بقلم فريدة احمد
وسابته ودخلت الاوضة علطول وقفلت بابها في وشه
بس محمد دخل وراها وقال بردو هتنامي هنا
حوريه وهي بتفك الطرحة وبتروح علي السرير قالت بجمود ايوا
وشدت الغطاء عليها ونامت
وهو اتنهد بضيق وخرج
تاني يوم في الصباح
كانت نازلة من علي السلم باستعجال وهي معاها كتبها ولسه هتتجه للباب وقفت مكانها بضيق لما حماتها قالت بسخرية وهي قاعدة بتشرب الشاي هي ورشا علي فين ياختي
وقالت ببرود سلامة الشوف يامرات عمي اكيد رايحة الجامعة وده واضح جدا من الكتب اللي معايا
كملت بسخرية وقالت وبعدين ياحماتي كل يوم بتسأليني نفس السؤال وانا نازلة وبجاوبك نفس الاجابة ايه مستنيه اغيرلك الاجابة مثلا المفروض من غير ماتسالي انتي عارفة اني رايحة الجامعة اكيد بالكتب دي مش رايحة الملاهي يعني
قالتها حماتها بضيق وڠضب منها ومن سخريتها
هنا ببرود ليه بقا وانا كنت غلط فيكي
حماتها بسخرية كل ده ومغلطتيش ناقص تيجي تديني قلمين
كملت بتوعد وغيظ بس لما ييجي جوزك هخليه يشوف صرفة معاكي علشان تبطلي تتني وتتفردي علينا
هنا بلعت ريقها بړعب لانها عارفة حماتها وانها مش هترتاح غير لما تسخن جوزها عليها زي ما بتعمل مع حورية
كملت بتحذير وقالت لو اللي في بطنك جراله حاجة
بس هنا برغم خۏفها قاطعتها وقالت ببرود متقلقيش يامرات عمي الدكتورة قالت عادي عن اذنك بقا علشان اتاخرت
وخرجت من غير ماتسمع منها اي كلام تاني
قدرية وده اسم حماتها بصراحة ملقتش اسم يليق عليها غير ده
رشا ما انتي عارفاها ياخالتي بت متدلعة ورافعة مناخيرها في السما علي ايه مش عارفة
قدرية نكسرهالها ياختي ايه هسيبها تركبنا اكتر من كده ايه
رشا بس انتي عارفة كريم بيحبها
قدرية بيحبها اه
شردت وقالت ماااشي ياهنا ان ماجبت مناخيرك الارض مبقاش قدرية
رجعت بصت ل رشا وقالتلها وانتي يامعدولة ايه اللي نزلك من شقتك وسايبة جوزك فوق
رشا ايه ياخالتي نزلت اقعد معاكي
قدرية متقعديش معايا ياختي قومي شوفي جوزك
فين يابت الاحمر والاخضر اللي دايما بتحطيهم علي وشك
كملت بسخرية ولا الحجات دي مش بتطلع لجوزك
رشا بتوتر قصدك ايه يعني ياخالتي
قدرية ولا قصدي ولا مقصديش قومي شوفيه يلا ياختي غايب عنك بقالو شهر نازلة وسيباه ده ايه الوكسة دي بقلم فريدة احمد
رشا بضيق ماهو ياخالتي اللي متغير معايا من وقت ما رجع مش مديلي وش اعمل ايه يعني
كملت بغيظ وبعدين سابني امبارح وسهر بره مرجعش غير الصبح
قدرية ما يمكن في حاجة مضايقاه في الشغل
رشا مش عارفة بقا
في اللحظة دي خرجت حورية من المطبخ وقالت بتعب خلصت ياطنط
كملت بضيق مخفي محتاجة حاجة تاني قبل ما اطلع
قدرية وانتي كنتي لسه عملتي حاجة يادلعادي
حورية بزهول انا نضفت البيت كله ومسحتو وغسلت المواعين وشطبت المطبخ من الساعة سبعة الصبح وانا واقفة علي رجلي
قدرية لسه ياختي اليوم طويل في غدا هيتحضر الشغل لسه مخلصش و بعدين السجاد اللي شيلته ده مغسلتيهوش ليه ولا تكونش مفكره اني شيلته علشان اعمله
