و من الحب ما قتل حبيبة الشاهد
عشان افرح و بعدين احنا عملنا كتب كتاب كبير و لبست فيه فستان هعتبر دا كان فرحي بس انا مش هسيبك و امشي ف متحولش معايا عشان انا خلاص خدت قرار و مش هرجع فيه و لا هسيبك لحظه واحده
سابت ايديه و هي بتتلفت حوليها بحيره من سكوته هتسيب مراتك كدا قدام الباب من غير ما تقولها ادخلي
عدي وسعلها عشان تدخل بقلت حيله لانه عارف عندها سحبت شنتطها و دخلت طلعت غرفة عدي طلعت ملابس من الشنطة و دخلت الحمام قعد عدي على السرير و غمض عنيه بتعب لانه مش حمل يتكلم مع حد
نيره برقة عدي افتح عنيك
عدي فتح عنيه و اټصدم اول ما شافها بصلها به... شديد و قال بصعوبة نيره ايه اللي انتي لبسه دا
نيره قربت عليه برقة ماله اللي انا لبسه مش عجبك
نيره مسكت وشه بيديها خلته يبصلها و قالت بستغرب ليه مش هينفع
عدي بتنهيده خاېف اظلمك معايا و يكون اللي بعمله غلط و احنا لسه كتبين الكتاب
نيره و هي بتمشي ايديها على وشه برقة مش هتظلمني دا حقك و انا مراتك
عدي محسش بنفسه و سحبها لحضنه بحب و عشق و توهان فيها نيرة كانت مستسلمه كليا ل عشقها ليه و كل اللي في دماغها انها تخفف عليه حزنه
بصلها و هو مش مصدق انها بقت ملكه... و في حضنه و بين ايديه و مش هتبعد عنه تاني رجع شعرها النازل على وشها بلطف صحيت نيرة اللطيفة
نيرة بابتسامة رقيقة و خجل مفرط صباح الخير
عدي بابتسامة صباح الورد مش مصدق انك بقيتي معايا و مش هتمشي انتي اقنعتي عمي ازاي
اكملت بهدوء و هي بصه في عنيه بحنية الفرحه بتبقا في القلب انك تختار شريك حياتك الصح اللي مهما يحصل مش هتهون عليه مش الفرح و الفستان و المه دا كله فترة و هتنتهي بس انت لا يا عدي
نيرة حوطت بيديها ضهره بحنية و قالت بحزن هما في مكان احسن من هنا بكتير ادعلهم
عدي بصوت مبحوح أثر محاولة اخفاء بكائها مفضليش غيرك من الدنيا دي متبعديش عني أنتي كمان
نيرة دموعها نزلت بحزن لما حسيت بدموعه على ا و دا وجعلها... قلبها اوي انا جنبك و عمري ما هبعد عنك مهما حصل
عدي بعد عن حضنها بقلق و قال بلهفه و خوف مالك يا روحي بټعيطي ليه
نيرة خبت وشها في حضنه پبكاء مش قادره اشوفك بالشكل دا انا عارفه انه صعب عليك بس مش مستحمله انا بحبك اوي يا عدي و عمري ما كنت اتخيل اني هشوفك كدا قلبي وجعني... اوي علشانك
عدي مشي ايديه على شعرها بحنية مفرطة هششش اهدي انتي كدا بتصعبيها عليا اكتر
نيرة مسحت دموعها و هي بتبصله خلاص مش هعيط تاني
عدي بصلها بدموع و قال بندم انتي عارفه اي حاجه عن حياة
نيرة اتوترت جدا و قالت بهدوء لا معرفش نيللي رفضه تقولي على مكانها فين هي الوحيدة اللي عارفه
عدي بتنهيده ليه مش عايزه تصدق اني مش هأذيها... انا اه كنت مش طيقها في الاول و مكنتش موافق الياس على اللي بيعمله و لا كنت اعرف مكان المصحه اللي كانت فيها عشان اخرجها انا مسبتش مكان إلا و دورة عليها فيه الياس التنازل اللي كانت حياة مضيه عليه قبل ما ېموت... نفسي القيها عشان اعتذر لها و اخليها تسامحني الوحد مبقاش ضامن عمره
نيرة حطيت ايديها على شفايفه و قالت بلهفه بعد الشړ
عليك متقولش كدا تاني
سندت رأسها على كتفه بهدوء انا مصدقت لقيتك يا عدي اوعدني انك مش هتسبني و لا هتبعد عني
عدي قبل رأسها بحب اوعدك انك دايما في قلبي
قام من جنبها دخل الحمام بصيت نيرة لطيفه بحزن شديد رغم كل اللي حصل إلا انه بيعافر عشان يبقا قوي قدامها سمعت صوت دقات على الباب قامت نيرة من على السرير خدت الروب من على الارض لبسته و فتحت الباب
الخدمه بصتلها پصدمه كبيره انسه نيرة
نيرة بهدوء مدام نيرة خلاص انا من هنا و رايح هعيش هنا مع عدي
الخدمه بحرج انا اسفه يا مدام بس فيه ظابط تحت طلب يشوف عدي بيه
نيرة بستغرب ظابط مقالش عايز ايه
الخدمه لا يا هانم
نيرة بهدوء روحي انتي و احنا نزلين وراكي
هزت راسها و مشيت و نيرة
دخلت الغرفة و قفلت الباب و هي بتفكر في الظابط هيكون جاي ليه غيرت ملابسها بسرعه و نزلت هي و عدي اتفاجئ بالظابط اللي كان ماسك قضيه حياة
الظابط اول ما شافه قام بسرعه و سلم عليه بهدوء البقاء لله
عدي بهدوء الدوام لله وحده
الظابط كان نفسي اكون جاي اعزيك و بس... بس للأسف انت مطلوب لتحقيق
نيرة شهقت بخضه تحقيق ليه عدي معملش حاجه
عدي بصلها بهدوء اهدي انا هروح مع حضرت الظابط اشوف فيه ايه و هاجي
نيرة مسكت فيه برفض و قالت بدموع لا مش هسيبك انت معملتش حاجه
عدي رغم خوفه قال بحنية يا حبيبتي انا لسه معرفش هما عايزني ليه هروح و هاجي على طول و هطمنك
نيرة بشهقات مش هسيبك تروح لوحدك هاجي معاك
عدي بتنهيده ماشي اتفضلي قدامي
خرجت نيرة و اټصدمت لما لقت عربيه البوليس واقفه قدام الفيلا مستنياهم ركبت عربيتها و هي شايفه عدي بيركب مع الظابط في عربيتوا
_ رضيت بالله ربا وبالاسلام دينا وبمحمد صل الله عليه وسلم نبيا ورسولا.
حياة صحيت على صوت دقات على الباب قامت بخضه شافت الساعه لقت نفسها بقت الصبح خرجت من الاوضه بس المره دي فتحت شراعة الباب لقت جسار قدامها واقف ب ملامحه الحاده
جسار بصلها من تحت النظارة السوداء بحد فيه موضوع مهم عايزك فيه
حياة بصتله بتوتر اتفضل اتكلم من عندك
جسار رفع حاجبه و قال بتهكم هكلمك من على الباب
حياة بتنهيده اه من على الباب احسن مراتك تيجي و تعمل مشكله زي امبارح
جسار بصلها ثواني و قال بصوت هادي مش هينفع من على الباب الموضوع بخصوص اخواتك
حياة اټفزعت... اول ما سمعت اسمهم و هزت راسها پخوف شديد اخواتي انا حد عرف مكاني
جسار كان متابع خۏفها و مقدر حالتها لا مټخافيش محدش عرف مكانك بس فيه موضوع يخص الياس
حياة قفلت الشراعه و فتحت الباب و قالت بلهفه ماله الياس
جسار تامل عيونها المنتفخه اثر بكائها... بضيق شديد و قال الياس عمل حاډثة... و ماټ امبارح
حياة بصتله پصدمه كبيره و حسيت ان رجليها مبقتش شيلها من الصدمه سندت على الباب قبل ما تقع... مسكها جسار پخوف و لهفه سندها بيديها و قعدها على اقرب كرسي
حياة رفعت وشها بصتله بعدم استيعاب و قالت بدموع الياس اخويا انا ماټ
جسار هز راسه و قال بحزن البقاء لله انا لسه جيلي الخبر دلوقتي
حياة بصتله و دموعها نزله على خدها بحزن طب عدي هوا فين جراله حاجه
جسار اټصدم من خۏفها عليهم رغم اللي عمله فيها عدي كويس هو كان في الشغل مكنش معاه
حياة نزلت راسها في الارض بنكسار زمانه زعلان اخوه و باباه في نفس الوقت
حطيت ايديها على وشها پبكاء بابي ماټ... انا حاسه اني لوحدي انا تعبانه... تعبانه اوي مش شرط اكون مش قادره اقف قدام الناس عشان تصدق اني بجد مرهقه.... و تعبانه مرهقه ذهنيا... و تعبانه نفسيا و طول الوقت عماله اقول لنفسي كفايه كفاية تفكير و قلق و خوف... من كل حاجه كفايه اسأله لنفسي ملهاش اي إجابات عندي كفاية تفكير في نتيجه اختياراتي و قرارتي اللي خدتها يا ترا انا عملت الصح و لا هرجع اندم... بعديها كفايه تفكير زياده متواصل في كل تفصيله بعيشها في حياتي و ازاي و امتا انا... أنا هاعدي من كل دا مابقتش عارفه حتى الاحسن ليا اتكلم و افضفض و اطلع اللي جوايا مع اللي حوليا و لا اسكت
و اكتم و اخبي عشان ماحدش يانبني.... و يزود همي اسمع لناس عندها خبره في الحياة اكتر مني و لا امشي ورا احساسي علشان ماحدش بيحس بالحاجه زي اللي عايشها حاسه ان عقلي وقف حرفيا.... بجد و خلصت بنسبالي كل حلول الارض فوضت امري كله لله هو اللي عالم بيا و باللي فيا و قادر يراضيني و يختارلي الأصلح
جسار صعبت عليه حالتها قال بهدوء ممكن تهدي كل حاجه هتتصلح و هتمشي زي ما انتي عايزه
حياة بصتله بنكسار... و قالت بدموع هتصدقني لو قولتلك
معرفش دي كمان زي ما انت شايف واحده هربانه... مش عارفه هي عايشه فين و لا مع مين مش من حقي حتا احضر عزاء اخويا مش عارفه افكر و لا عارفه هعمل ايه هفضل طول عمري هنا او لا مش عارفه مش عارفه
جسار بهدوء البسي هاخدك اوديكي عند الست فريده
حياة بدموع انا عايزة ابقي لوحدي ممكن
جسار محبش يتعبها اكتر من كدا هسيبك لوحدك بس شويه و هعدي عليكي اخدك اوديك المستشفى
مشي جسار و هو تفكيره فيها و مش عايز يسبها قفل الباب و نزل تحت اعين المشتعله من الغيره اللي سمعت كلامهم و طلعت على السلم استخبت قبل ما جسار جوزها يشوفها
فضلت حياة مكانها و هي بټعيط بقوة لغيط اما نامت في مكانها من كتر العياط بعد فتره صحيت على ايد بتتحط عليها و...
يتبع.....
من_الحب_ما_
بقلمي_حبيبه_الشاهد
الفصل الثالث عشر
رفعت وشها بصتلها بنكسار... و قالت بدموع داده انتي ايه اللي جابك
حضنتها فريده بحنيه و قالت بحزن شديد الدكتور كتبلي على خروج اول ما لقني بقيت كويسه
حياة ت وشها في حضنها و اڼهارت من البكاء و قالت بحزن انا حاسه ان بابي ماټ... من تاني
فريده بهدوء سامحيه يا حياة
حياة بشهقات انا مزعلتش منه عشان اسامحه هو اخويا مهما كان
فريده مسكتها من كتفها بحنيه مفرطة قومي معايا ادخلي اوضتك
حياة
