شبيه جوزي ايمان شلبي
يبصلها وهو بيسوق وجواه بيتمني لو الكلام حقيقي!
ردت ودمعه شارده نازله علي عيونها
ابقي بكدب لو قولتلك لا مش خاېفه
انا مړعوبه وفي جوايا الف سيناريو كلهم اسوء من بعض
وليه خاېفه انتي مش واثقه
واثقه لكن الشيطان شاطر
وفي نفس الوقت بقول لنفسي جايز يكون الكلام حقيقي
جايز اكون آثرت معاه في يوم ومقومتش بدوري كزوجه ف اضطر يدور علي الاهتمام في حد تاني
لو كانت حقيقه يا رنا!
ردت بحزن
معرفش انا جوايا صراع
قلبي بيقولي لا هو بيحبك
وعقلي
وان كل اللي فات كان كڈب!
رد بهدوء
لو بيحبك ولا يفكر في واحده غيرك من اساسه وبعدين يا رنا انتي مش بتشوفي نفسك في المرايه!
يبقي اعمي ومش عارف قيمتك ولا قادر يحس أن معاه كنز غيره أتمناه
تفتكر متجوز فعلا
اتنهد تنهيده طويله وهو بيركن العربيه وبيبص علي العماره اللي المفروض عاصم فيها
دلوقتي نعرف كل حاجه
انا عايز افهم حاجه هو احنا ليه بنعمل كل ده!
ردت بنت ببرود
لا بقولك ايه احنا لما اتفقنا معاك تمثل دور جوزها افتكر وقتها أننا قولنالك متسألش كتير
رد بضيق
طب خلاص انتي ډخلتي فيا شمال كده ليه
بصيتلها بقرف من فوق لتحت وهي بتحط رجل فوق التانيه وبتاكل لبان بطريقه مستفزه
همس بضيق
ياستار شكلك زي القرود
انا لولا الحوجه مكنتش وافقت علي العمليه الهباب ديه بس هنقول ايه الفقر بيذل البني آدم
انا اسف يا مدام رنا اني هوهمك بشكلي
ثواني والباب خبط
اتنفضت البنت من مكانها وفضلت تعدل في هدومها وشعرها وهي بتبصله
مستعد
هز رأسه ببرود
ايوه
وطلعت تجري علشان تفتح الباب
رنا!!!
رنا وهي بتتنفس بسرعه
ا انتي ا انتي يا ندي
ندي وهي بتتصنع الخۏف والتوتر
زقيتها و اندفعت وهي بتبص يمين وشمال بلهفه وخوف
هو فين
هو مين ده مفيش حد هنا
دخلت الصالون واول ما شافته الوقت وقف في اللحظه ديه
اتنفض من مكانه پصدمه
ر رنا
فضلت ترجع لورا وهي بتهز رأسها بنفي وبتعيط بهستريه
لا لا لا لا ل....
وقفت كلام أول
لفت وشها فريد اللي كان واقف بثبات ا وبيبص لعاصم پحقد وغل
حطت ايديها علي ودانها وهي بتهز رأسها بهستريه اكبر
لا لا مش عايزه اسمع ولا كلمه مش عايزه اسمع حاجه اه اه
اتنفست بسرعه اكبر وهي بتحط ايديها علي قلبها
ف فريد الحقني يافريد ا الحقني يافريد خرجني من هنا م مش قادره اخد نفسي ا اه
وفي لحظه سكتت كل حاجه من حولها وفقدت الوعى
يتبع
الجزء الثاني
انتوا مين وعايزين مني ايه
صړخ بيها عاصم وهو بيحاول يفك الرباط اللي كان مقيد أيده ورجله
فضل يحرك نفسه علي الكرسي الخشبي اللي موجود في اوضه صغيره وضلمه وبعيده كل البعد عن الناس!
توء توء اهدي يا عصوم العصبيه مش حلو علشانك
عاصم وهو بيقفل عينه نص قفله بشك
انا عارف الصوت ده كويس اوي انت فريد!
وفجأه حل النور مكان الظلام وظهر وهو بيسقف بابتسامه خبيثه وسخريه
برافووو عليك كسبت معانا مليون جنيه
حرك عاصم نفسه پعنف وجنون
فكني يا زباله وحياه امي ما هرحمك
سحب كرسي وقعد عكس عكاس وهو بيمط شفايفه بحزن مصطنع
لا بلاش
