اسكريبت فتاة تحت المطر من حواديت مَـريَـم وأدهـم بقلم الكاتبه المبدعة مَـريَـم وَلِـيد مُـحَـمَّد

الچاكيت.. حرك راسه بنفي
قلتلك إن صاحبته رفضته دلوقت أنت صاحبته.. لو فضل معايا هيفكرني بأوقات وحشة أرجوك..
بصيت له بهدوء وكملت
شكرا.
أنت اسمك إيه!
حركت راسي بنفي وكملت
أنت غريب مش هتعرف اسمي.
بصيت لطريقي ومشيت مكنتش عارفة هواجه ده ازاي.. هواجه ازاي إن بابا خاېن وهحط عيوني في عيون ماما ازاي!
كنت بفتح الباب بهدوء علشان متسمعش دخلت بالراحة وقفلت بالراحة.. بمجرد ما قفلت لقيتها بتفتح النور وهي واقفة
مشيت وراه ليه!
بصيت لها پصدمة فابتسمت بسخرية
هل فكرك إني مغفلة لدرجة إني معرفش اني بتخان بقالي ٢٢ سنة!
اتنهدت بهدوء وقعدت على الكنبة وبصت لصورة ليا وليها

٢٢ سنة جواز منهم ٢٠ سنة بسعى أحافظ على جوازنا علشانك أنت وبس.. علشان محدش كان يهمني غيرك ٢٠ سنة بحاول أربيك صح وأستثمر عمري فيك.. من معلمة لغة عربية لمغفلة قد الدنيا بس علشان صورة أبوكي في عيونك متتهزش بس ربنا ستره له حد.. وهو تمادى ففضحه قدامك.
قربت منها وحطيت راسي على رجلها
مخدتنيش ومشينا ليه يا ماما
علشان كنت فاكرة إني بحميك بالشكل ده كنت فاكرة هتكوني كويسة وبخير يا مريم.
غمضت عيوني وسبت دموعي تنزل وهي بدأت تمشي ايديها على راسي.. هو المفروض مين يواسي مين! وهل موجود كلام للمواساة!
ماما صباح الخير..
خرجت من الأوضة لقيتها صاحية زي كل يوم خلال ال٢٠ سنة عمري ابتسمت وهي بتشاورلي
يلا يا مريومة هعمل الشاي بلبن..
بصيت لها بعدم فهم هو يعني إيه!
هتفضلي باصة للأكل! عملالك بيض مقلي وجبنة رومي من اللي بتحبيها.
ماما يعني إيه!
كملت بهدوء وثبات
يعني إيه إيه يا مريم!
اتنفست وكملت
بيض وشاي بلبن! فين البقسماط
ضحكت وغمزتلي
على جنب أهو.
دايما يقولوا إني طالعة لماما صادقين.. أنا فعلا شبهها أحنا الأتنين بنهرب معرفش هنفضل هربانين لآخر يوم في حياتنا ولا إيه بس أتمنى في يوم نلاقي الوجهة.
ممكن تطلقي
حركت راسها بهدوء
اتطلقت باقي الأوراق الرسمية.
يعني إيه!
جيه الصبح وطردته ورمى عليا يمين الطلاق وسابني ومشي باقي اتطلقت بورق رسمي مش أكتر.
ازاي الإنسان يستحمل إن حياته ټنهار كل حاجة تقع فوق راسه حرفيا كأنها شنط فيها طوب ورمل وقعت على راسي لوحدي والمطالب مني أستحملها!
هنروح فين
عند تيتا وخالو هيشوفلك شغل في الشركة اللي شغال فيها.
حركت راسي بأيجاب وسكتت فسكتت هي كمان محاولاتنا للكلام في الوقت ده فاشلة وملهاش لازمة كفاية نسكت.
عدا حوالي أسبوعين سبنا فيهم بيتنا ونقلنا عند تيتا.. ماما كان عندها شقة بتاعتها هناك ورثها من جدو قعدنا فيها ونقلنا حياتنا هناك.. وبالفعل خالو شافلي شغل وكنت المفروض نازلة معاه علشان يعرفني على صاحب المكتب.
جاهزة يا كتكوتة
ابتسمت بهدوء وحركت راسي فكمل وهو بيحط ايده على كتفي
ماشاء الله بنتنا شاطرة خليك واثقة في نفسك.. أنا معرفه إنك في آداب إجتماع فكده كده هيبقى شغل وتدريب ليك متقلقيش.
حركت راسي بهدوء وكملت
على خير يا حبيبي.
ازاي الإنسان بيتعايش بوضع إنه تمام بيضحك وبيهزر وهو في كل مرة بيعمل حركة بيحس بكسر في قلبه! أتعافى أزاي بعد ما حسيت إني مغفلة!
دكتور جبتلك مريم.. البنت اللي قلتلك عنها.
لف وشه وابتسم في خلال تلات ثواني كانت ابتسامته راحت وحل محلها الصدمة.
مريم ده دكتور أدهم أخصائي تخاطب وصاحب المركز..
ابتسم وقرب كام خطوة
أهلا يا مريم.
نزلت راسي الأرض طريقة لأن الأرض تتشق وتبلعني.. بحث.
أنا مش فاتح المركز بأسمي المركز لبابا هو دكتور أنا يعتبر