مكتوب علي اسمي الكاتبة ملك ابراهيم الحلقه 10
معرفش هتكون فين بس برضه انت عملت اللي عليك وبقالك شهرين بتدور عليها وكلفت كل رجالتك يدوروا عليها في القاهرة وفي كل القرى اللي قريبة من بلدها ومفيش فايدة.. انت كده بتضيع وقتك على الفاضي يا عامر وانا واجب عليا انبهك.
عامر بصله وقال پغضب هو انتوا ليه محدش فاهمني.. البنت دي حياتها اټدمرت بسببي.. انا متجوزها من خمس سنين وكنت ناسي انها علي ذمتي يا شريف.. عارف يعني ايه تبقي مكتوبه على اسمي بقالها خمس سنين وانا معرفش.. سبتها تتبهدل بسببي وهي سابت اهلها وهربت منهم عشان تدور عليا! بعد كل ده وتقولي كفايه كده انت عملت اللي عليك!
اتكلم شريف بتوتر طب ينفع نتكلم في الشغل شويه
عامر فتح محفظته وحط صورة آيات فيها و رد على شريف اتفضل يا شريف اتكلم.
شريف المشروع اللي احنا دخلناه بتاع القرية السياحية اللي في الغردقة.. مش هنقدر نسلمه في الميعاد المتفق عليه.. لازم ندخل معانا شركة تانيه عشان نلحق.
شريف وفكرت في شركة مناسبه ينفع تدخل معانا في المشروع
عامر بتعب لا مفكرتش.. انا اصلا مش مركز اليومين دول انت عارف.. شوف اي شركة تكون سمعتها كويسه وقدملهم العرض.
شريف هو في كام شركة قدامي هجهز ملف فيه كل المعلومات عنهم ونختار منهم الشركة المناسبه
عامر بصله وقال تمام جهز الملف ولو في اي مشاكل في المشروع بلغني بيها علي طول.
دخلت ميرنا خطيبة عامر وقاطعة كلامهم.
ميرنا هاااي بيبي.
عامر زفر بضيق وشريف كتم ضحكته وقال هروح انا اعمل اللي اتفقنا عليه.
واتحرك شريف عشان يخرج من اوضة المكتب لكن ميرنا وقفته وقالت شرشر ممكن تطلبلي الكوفي بتاعي وانت خارج.
شريف بصلها پصدمة وقال شرشر!!!
عامر ضحك وهو بيبص ل شريف وشريف بص ل عامر بغيظ وقالها لا خلي مرمر يطلبلك قهوتك انا عندي شغل ومش فاضي.
ميرنا بصتله بدهشة مرمر مين
شريف بغيظ ايه الاسم مش عجبك.. دا دلع عامر.
ميرنا اتحمست وقالتله شريف شكرا بجد انا كنت بفكر في اسم دلع ل عامر ومش لاقيه شكرا يا شرشر.
عامر بص ل شريف وكتم ضحكته وقاله بتريقه طب اتفضل يا شرشر اعمل اللي اتفقنا عليه وعرفني لو في اي مشاكل تانيه.
خرج شريف ودخلت ميرنا وقعدت قدام عامر وقالتله شرشر ده لطيف اوي.
عامر پغضب اسمه المهندس شريف وعيب تقوليله الاسم ده..
