مكتوب علي اسمي الكاتبة ملك ابراهيم الحلقه السابعة
شركة اخويا هو عنده شركة صغيرة كده واكيد لو عرف ظروفك هيوافق تشتغلي عنده
آيات ابتسمت وقالت باحراج بس انا عمري ما اشتغلت قبل كده وكمان انا مش معايا شهادة جامعيه وبابا كان رافض اروح الجامعة عشان مش عايزني اخرج من البلد
هاجر حست بخۏفها وقالتلها مټخافيش دي شركة فيها موظفين وامن وناس كتير بتشتغل فيها يعني مش هتكوني لوحدك
هاجر طب عشان تطمني انا هديكي رقم تليفوني وعنوان الشركة وروحي شوفي الشركة وشوفي عدد الموظفين اللي فيها ولما تطمني اتصلي عليا وانا اكلمه
آيات باحراج انا اصلا معرفش اي حاجة هنا وخاېفه اخرج من المستشفى
اتوه في البلد ومعرفش اوصل ل اي مكان
آيات مش عارفه
هاجر بصت قدامها بتفكير وآيات فجأة افتكرت هدير صحبتها
اللي
كانت معاها في المدرسة وبتكمل تعليمها في الجامعة هنا في القاهرة وكانت عارفه انها عايشه في سكن خاص مع مجموعة بنات مغتربات وبيدرسوا معاها في الجامعة
هاجر بصتلها وابتسمت وقالتلها طب خلينا نكلمها يمكن تقدر تساعدك في موضوع السكن
واخدت آيات الشنطة بتاعها وفتحت الشنطة وطلعت منها دفتر ملاحظات صغير جدا وبحثت فيه عن رقم تليفون هدير وقالت لقيت رقمها اهو بس هكلمها ازاي
هاجر بستغراب هو آنتي مش معاكي موبيل
ردت آيات باحراج للأسف لا مش معايا
ردت هدير بسعادة آيات عامله ايه وحشتيني انتي اشتريتي تليفون ولا ايه
هدير بقلق اه طبعا انتي فين وانا اجيلك
هاجر كلمتها وقالتلها خليها تقولك عنوانها وانا هوصلك ليها
آيات قالتلها هدير انتي عنوانك فين عشان اجيلك
هاجر شاورت ل آيات واخدت منها التليفون وكلمت هي هدير استاذة هدير ممكن تقوليلي عنوانك وانا هوصل آيات ل عندك متقلقيش هي الحمد لله كويسة
هاجر آبتسمت ل آيات وقالتلها انا عرفت عنوانها ومش بعيد عن هنا هروح ادفع مصاريف المستشفى علي ما انتي تجهزي وهاخدك اوصلك ليها
آيات هزت راسها بالايجاب وكانت حاسه ان هاجر دي الملاك اللي ظهرلها عشان يساعدها
رواية مكتوبة على إسمي بقلمي ملك إبراهيم
بعد وقت وصل المحامي وعامر استقبله وهو لسه تحت تأثير الصدمة واول لما المحامي قعد قدامه اتكلم عامر استاذ عاطف من خمس سنين انت في يوم كلمتني وقولتلي ان جدي هيتجوز بنت صغيرة عندها 14سنه وابوها موافق وجدي طمعه بالفلوس صح
شريف بص ل عامر پصدمة لانه اول مرة يعرف الموضوع ده والمحامي قال بثقة مظبوط
عامر وانا روحت عشان أوقف الجوازة دي وحضرتك
