ابن الاصول الحلقة الاولى ملك ابراهيم
انت في الصفحة 2 من صفحتين
كريم: عليا انا بحبك وانتي بتحبيني وبموت والدك احنا مشكلتنا اتحلت وانا ممكن اتجوزك هنا في شقة والدك
= بس قبل ماتتجوزها لازم تخطبها مني الاول
قالها شخص واقف خلف كريم وكان باين عليه الثراء وكان بيتكلم بقوة وثقه
عليا بزهول: حضرتك مين ؟!!
= اشوف الاول موضوع الاستاذ دا واقولك انا مين
كريم پغضب: لا معلش انا كمان عايز اعرف مين الباشا
= عايز تعرف بصفتك ايه
كريم: بصفتي هتجوز عليا
ابتسم الشخص دا وقاله
=تتجوزها ازاي وهي متجوزه
عليا پصدمه: بس انا مش متجوزه
خرج ورقه ورفعها قدام عنيها وكانت قسيمة زواج بين ( عليا محمود و زين الشافعي )
بصتله عليا پصدمه وقالتله
عليا: مين زين الشافعي
ابتسم بسخريه وقالها
= انا زين الشافعي جوزك
اټصدمت وسألته ازاي قالها ندخل جوا ونتكلم وبص ل كريم وقاله سعيكم مشكور ودخل مع عليا وقفل الباب في وش كريم
دخلت عليا وهي بتبصله پغضب وقالتله: ادينا داخلنا ممكن حضرتك تقولي انت جوزي ازاي
وقف زين يبصلها ويبص للشقه وكأنه بيقيم كل حاجه حواليه وقالها ببرود: جوزك شرعي طبعا
اتغاظت عليا من غروره الزايد دا وقالتله بغيظ: ازاي وانا معرفش
رد عليها ببساطه: طلبتك من والدك وهو وافق وكتبنا الكتاب
اټصدمت عليا من البساطه الا هو بيتكلم بيها وكأنها حاجه طبيعيه انه يتجوزها بدون علمها وقالتله بدهشه: ازاي وامتى الكلام دا ؟
بدأ زين يحكيلها الا حصل بهدوء: من حوالي شهر والدك جالي وطلب مني مكفأت نهاية خدمته عندنا في الشركه
سألته عليا: هو انت صاحب الشركه الا بابا كان بيشتغل فيها ورافضتوا تعترفوا انه له حق عندكم
رد عليها زين: دي شركات جدي وانا لسه راجع مصر من حوالي 6 شهور وانا الا مسكت الشركات ومكنتش اعرف موضوع والدك غير لما جالي وطلب مني المساعده وقالي علي خطيبك الندل الا سابك عشان ظروفكم الصعبه
اتحرجت عليا انه عارف موضوع خطيبها دا وقالتله: وازاي بابا يحكيلك حاجه زي دي
رد عليها زين بتأكيد: عشان بيحبك ومش عايز يشوفك حزينه
عليا بدهشه: طب وانت اتجوزتني ليه
ابتسم زين بسخريه وقالها: بصراحه دا موضوع شخصي يعني جدي بيزن عليا في موضوع الجواز عشان استقر هنا في مصر وانا لما عرفت ظروفك فكرت اتجوزك وارتاح من زن جدي
انفعلت عليا من كلامه وقالتله: وازاي بابا وافق علي حاجه زي كدا
زين : ما انا ماقولتش ل باباكي كدا طبعا
بصتله عليا بعمق وقالتله: علي فكره انت جرئ اوي
رد زين ببرود: قصدك صريح
وقفت عليا تبصله وهي بتحاول تفهم هو عايز منها ايه بالظبط ومستغربه ازاي والدها وافق عليه وسالته: وبابا وافق ازاي وليه مقاليش
رد زين بتأكيد: ممكن كان مستني الوقت المناسب وماتقلقيش انا امنت مستقبلك وكتبتلك شقه باسمك وحطتلك مبلغ محترم في البنك يعني بمعنى اصح انا اشتريتك يتبع..
