العنيد الحلقة الثانية بقلم الشيماء محمد

عملت اللي عليا.. الشقه دي بتاعت عزاب بمعني شباب فالله اعلم ايه الاشكال اللي هتبقي جوه او ايه المناظر اللي هنشوفها 
ليلي انا اخويا مالوش في الكلام ده اخويا متربي كويس 
ادهم ههههههه بجد انتي حره انا بلغتك 
ادهم خبط علي الباب وضړب الجرس وبرضه محدش فتح 
ليلي هو مفيش حد ولا ايه 
ادهم ما اعتقدش بس ممكن يكونوا ومحدش قادر اصلا يقوم يفتح 
ليلي وبعدين ما تقوليش هنمشي 
ادهم انتي عايزه ايه 
ليلي عايزه اتأكد في حد جوه ولا لأ مش انت ظابط 
ادهم باستغراب وبعدين عايزاني اعمل ايه 
ليلي اعمل زي الافلام اخبط الباب برجلك طيره ولا بدبوس ولا بنسه افتح الباب اتصرف 
ادهم اخبط الباب اطيره هركليز انا صح علي فكره ده معظمه شغل سينما 
ليلي مصطفي كمان قال انك بتعمل حاجات محدش غيرك بيقدر يعملها ولا انت سمعه علي الفاضي 
ادهم استغفر الله منك ومن لسانك... 
عطاها ظهره وطلع حاجه من جيبه وفي ثواني كان فتح الباب 
ادهم اتفضلي يا بتاعت السيما انتي 
ليلي الرجال قوامون... وبعدين اهو يجي منك 
ادهم بصلها بغيظ يجي مني متشكر يا عم الحج 
سابها ودخل وهيا لازقه وراه لدرجه انه اول ما وقف لبست فيه 
ادهم بصلها باستغراب 
ليلي المفروض تدي اشاره انك هتقف 
ادهم علي اساس اني سايق عربيه 
ليلي هما دول ميتين ولا ايه 
ادهم دول اخوكي مين فيهم 
ليلي ما اعتقدش انه في دول اصلا 
ادهم فتح اول اوضه تقابله وهيا برضه لازقه وراه ط 
ليلي حطت وشها في الارض واتكسفت 
ادهم علشان كده قولتلك استنيني تحت 
ليلي ما قولتليشان احنا هنشوف اشكال زي دي 
ادهم قولتلك شقه عزاب عايزاني اقولك ايه تاني ولا اشرحلك تفصيلي 
ليلي متخيلتش اصلا ان في كده 
ادهم متخيلتيش ايه ما علينا 
فتح اوضه تانيه وبرضه مفيهاش حد... خرجت 
وليلي كانت مبسوطه ومتغاظه في نفس الوقت فسبقته وفتحت اوضه قدامها وقفلتها تاني بسرعه 
ادهم ايه 
ليلي مصطفي جوه 
ادهم طيب الحمدلله صحيه وخليني امشي انا بقي 
ليلي مش هينفع اصحيه 
ادهم ليه بقي 
ليلي والاتنين ا....
ادهم اه وطبعا عايزاني اصحيهولك صح والبسهولك وانزلهولك 
ليلي ده لو ممكن 
ادهم غريبه بتتحولي لما تبقي عايزه حاجه 
ادهم فتح الباب وحاول يصحيه بانه ينادي عليه بس ما صحيش 
ادهم بص حواليه لحد ما لقي ازازه ميه فتحها وكبها علي وشه فقام منفوض واول ما شاف ادهم غطي نفسه ومش عارف يعمل ايه 
ادهم البس وانزل خلال دقيقتين... اختك معايا بره وعايزاك 
ادهم خرج وقفل الباب ومسك ليلي من دراعها وخارجين بره بس مره واحده وقف خرجها بره ودخل هو تاني 
ادهم ثواني 
رجع تاني وهيا مستغربه هيعمل ايه 
مسك ازاتين ميه وفتحهم وبدا يرش علي كل النايمين في الصاله والكل بيقوم مڤزوع ويدوب هيشتموا بيشوفوا ادهم يتنحوا وقفوا تعظيم سلام
ليلي واقفه مرقباه وعجباها هيبته دي وخوف الكل منه 
كلهم وقفوا انتباه 
ادهم خلال عشر دقايق كلكم تبقوا في صاله التدريب هناك مفهوم 
ادهم بيتكلم بصوت قوي بس مش عالي.. صوت واحد واثق من نفسه... صوت اتعود يأمر فيطاع 
ادهم وهو خارج اتحركوا وصحوا النايمين جوه دول 
كلهم طلعوا يجروا يمين وشمال 
ادهم شد ليلي ونزل بيها لتحت من غير ما يديها فرصه تتكلم لحد ما نزلوا ووقفوا قدام عربيته 
ليلي علي فكره تاني مره ما تشدنيش كده وتسحبني وراك 
ادهم اتحولت 
ليلي يعني بتسحبني وراك كده ليه 
ادهم لان الشقه دي بشكلها ده مشبوهه ومحبتش حد فيهم يشوفك فيها وخصوصا لو عرفوا انك اخت واحد زميلهم 
ومش هيفرقوا انتي جيتي امتي بايته ولا لسه جايه فهمتي 
ليلي فرحت