رواية اسير عينيها
يوم اشوفك يا اجمل ما عيونى شافت
وفضلو ساكتين طول الطريق كل واحد فيهم بيبص لتانى من غير مايخد باله لحد ما وصلوا عند الفيلا
يارا بتنزل من العربيه مش هتدخل معايا
عمار لا مش هقدر ورايا شغل كتير هعدى عليكى بكره خلى بالك من نفسك
يارا طيب سلام ومشيت
عمار سلام وفضل باصص عليها لحد ما دخلت الفيلا سلام يا قلب وعقل عمار ومشى بعربيته رجع الشركه
نرجع لحنين حضرت الغدا مع مامتها واتغدوا وبعديها اخدت بنتها همس تكشف عليها
حنين عندها ايه يا دكتور
الدكتور متقلقيش احتقان فى زورها بس جامد شويه هو ال تعبها هكتبلك العلاج ده وان شاء الله هتكون كويسه
حنين اخدت همس ورحت البيت
امل الدكتور قال ايه يا حنين
حنين متقلقيش يا ماما احتقان فى زورها بس جامد شويه والدكتور كتبلى العلاج وقالى ان شاء الله هتبقى كويسه
امل تعالى لحضن تيتا يا هموس سلمتك
رجع فهد للفيلا بعد ما خلص شغل سلم على بباه فى واضه المكتب وقعد معاه شويه وطلع يطمن على يارا بعد محكاله عمار على الحصل
فهد بيخبط على اوضه يارا
يارا ادخل
فهد حبيبتى عامله ايه عمار حكالى على ال حصل
يارا متقلقش يا فهود انا كويسه
يارا الحمدالله حصل كل خير يا حبيبى متقلقش اختك اسد هههههههه
فهد بيضحك من قلبه اسد طيب يا اسد عمار هيوصلك ويجيبك من الكليه كل يوم عشان ابقى مطمن عليكى ولما ارجع من السفر انا ال هودكى واجيبك
يارا مفيش داعى يا فهود انا بروح واجى مع عم محمد
فهد لا يا حبيبتى هبقى مطمن عليكى اكتر مع عمار انا هسافر بكره عوزانى اجبلك ايه معايا من دبى
يارا والله كلك نظر وال تبوح بيه يا فهودى
فهد ههههههههه كلك نظر وابوح انتى بتجيبى الكلام ده منين وبعدين بعد فهودى دى يبقا الطلبات كتير
فهد اه حاجات بسيطه قولتيلى ماشى
الباب بيخبط عليهم
فهد ادخل
جمالات الشغاله فهد بيه فريده هانم بتقول لحضرتك والانسه يارا انزلوا تحت عشان منى هانم وبنتها شيرى تحت
يارا ييه يادى النيله ال جابهم
فهد خلاص يا جمالات روحى انتى
يارا مش عارفه جاين ليه الواحد مش ناقص
فهدوالله انا كمان تعبان ومش قادر وعاوز انام هسافر بكره بدرى
يارا بنت خالتك دى لزقه وغلسه جدا ومش بطقها خالص وعلى فكره حاطه عنيها عليك يا فهد
يارا بتحضن اخوها وبتضحك على رايك يلا بينا
نزل فهد ويارا وهما بيضحكوا ودخلوا عليهم الصالون
فهد مساء الخير
الجميع مساء النور
فهد ازيك يا خالتو
منى ازيك يا حبيبى عامل ايه
فهد الحمد الله تمام
منى دايما يا حبيبى ازيك يا يارا
يارا ازيك يا طنط عامله ايه
منى تمام يا حبيبتى مش بتجى ليه عندنا مع ماما
يارا معلش يا طنط الكليه واخده كل وقتى
شيرى ازيك يا فهودى مسلمتش عليا
فهد ازيك يا شيرى معلش اصلى جاى من الشغل تعبان
شيرى سلمتك يا بيبى
يارا بيبى ازاى يعنى ازيك يا شيرى
شيرى ازيك يا يارا معلش ماختش بالى صلى اول ما شفت فهد نسيت الدنيا كلها
يارا لا والنبى طيب
يارا وشيرى الاتنين مش بيحبوا بعض خالص
يارا هو انتى لبسه كده ليه ياشيرى راحه حفله دلوقتى
شيرى لابس انطى فريده عزمتنا على العشا وقلت بعديها اطلع انا وفهد نسهر لانه وحشنى ومخرجناش سوا من زمان ولا ايه يا فهد
فهد ساكت خالص ومطنشها ولا حتى بيبصلها وباصص فى الموبيل
يارا معلش مره تانيه بقا فهد مش فاضى ومشغول
فريده يارا انتى بتردى كده ليه على شيرى وبعدين انتى بتردى بدل فهد ليه
فهد بترد لانها عندها حق يا ماما انا مش فاضى ومسافر بكره وورايا حاجات كتير لازم اخلصها النهارده والصراحه انا تعبان جدا وعاوز استريح ومش فاضى لسهرات شيرى
شيرى مسافر فين يا فهد
فهد دبى شغل هناك
شيرى ياخساره لو كنت اعرف كنت جهزت نفسى وسفرت معاك يا بيبى وكنا اتفسحنا سوا وقضينا وقت يجنن سوا
يارا بصوت واطى بيبى لما يخدك يا شيخه والحمدالله انك متعرفيش لزقه
فهد تجى فين بقلك شغل
فريده هتغيب هناك يا فهد
فهد مش عارف يا ماما لما اخلص الشغل ال هناك
شيرى هتوحشنى اوى يا بيبى
يارا وحشك قطر يا بعيده
فهد بيكتم الضخكه لما سمع اخته وهيا بصتله وبتضحك
جمالات فريده هانم العشا جاهز
فريده طب روحى يا جمالات نادى منصور
بيه يلا
وقاموا يتعشوا وبعديها استأذن فهد وطلع اوضته يرتب شنطته ويجهز كل الاوراق ال هيخدها معاه وبعدين اخد شور ودخل على سريره ينام بس كل تفكيره فى صاحبه العيون الساحره واتمنى يشوفها تانى وفضل يفكر فيها لحد مانام
صحى فهد وجهز نفسه عشان السفر نزل من اوضته بكل ثقه وغرور
فهد صباح الخير
منصور صباح الخير يا حبيبى خلاص مسافر
