ابنه الشيطان رحمة نبيل الحلقة الاولي

الحلقة الاولي 
في شقه بسيط جدا تتكون من غرفتين صغيرتين للنوم وحجره للضيوف ومطبخ وحمام صغير وصاله صغيره شقه بسيطه جدا ولكن جميله وبالطبع ليست هادئه ابدا
في احد الغرف كانت تنام هي بفوضويه حيث تنام علي بطنها وتضع يدها علي وجهه فتاه اخري تنام أيضا مثلها فجأه فتح باب الغرفه ودخل هو كعادة كل صباح بطبق فيه قطع ثلج ذهب إلى سريرهم واخذ قطعتين من الثلج ووضع في ظهر كل واحده منهم قطعه ثواني وبدأت رقصه الهنود الحمر الصباحيه المعتاده حيث نهضت الفتاتان من النوم وهن يقفزن بشكل مضحك ويصرخن من الثلج الموضوع في ظهرهن نظر هو إليهم بملل فهذا روتين كل صباح

بعدما هدأت الفتاتان نظرت هي اليه بشړ
سمر ابو ام رخامتك ياجدع يخربيت كده
عمر بملل يعني هي اول مره يعني
نور وهي مازالت ترتعش يا اخي حسبي الله كل يوم نصحي نتنطط كده
عمر بضحكه العيب عليا مش بعملكم تمارين صباح وكمان بتصحوا مفرفشين
سمر وهي تبحث عن شئ
عمر بتدوري علي حاجه ياسمورتي
سمر لحظه يا روح سمورتك
ثم نظرت لنور الا قوليلي يانور مش كان في اله حادة هنا امبارح راحت فين
عمر وهو يبلع ريقه ليه يا حبيبتي هتبطخي علي الصبح كده
سمر بنفي لا مش هطبخ ياحبيبي ده انا بس
عمر أيه مش فاهم
سمر انت يا حبيبي
عمر وهو ينظر في الساعه ياخبر شوفي اتأخرت ازاي المدير كده هيتعصب عليا وهو اساسا متعفرت لوحده يلا تيك كير يابنات
وركض قبل أن تتحدث سمر
نظرت سمر لنور وجدتها نائمه يخربيتك بتنامي وانتي واقفه انتي يابت ملبوسه
نور نور انتي يازفتتتتته
نور وهي تستيقظ بفزع تمام يافندم
سمر تمام يافندم مين اصحي يا ماما انتي في البيت مش في المديريه
نور اه ياني ياما ھموت وانام حرام عليكم مش بلحق انام نصايه علي بعضها
سمر قومي يابت فوقي كده عشان تروحي شغلك مش قد الشرطه بتدخليها ليه
نور بنعاس بابا الله يسامحه حب يعوض حلمه فيا لانه كان عايز ولد ويدخله شرطه بس ربنا رزقه بيا قام دخلني انا
سمر انا عارفه ډخلتي شرطه ازاي بغبائك ده
نظرت لها نور بغيظ غبيه في عينك ياحيوانه ده انا اللواء دايما بيديني أصعب المهمات دول مسميني امرأه المهمات المستحيله واي مهمه مستحيله بيجوا يتحايلوا عليا عشان اروحها مش عارفه اوصفلك كميه الحب والاحترام اللي بيحترموني بيها هناك
اللواء بصړاخ نووووووووووووور
دخل العسكري في حاجه يافندم
اللواء وهو يشعر انه سيموت بجلطه فين الضابط نور
العسكري لسه ماوصلتش يبشه
اللواء فوضت أمري إليك يارب يارب ياخدني يا تخدها وترحمني منها يارب
ثم نظر للعسكري اتفضل انت ولما تيجي خليها تجيلي فورا فاهم
العسكري امرك يا سياده اللواء
اللواء انا عارف البلوه دي وصلت لكليه شرطه ازاي يارب يانور ربنا يرزقك بواحد يطلع عينك واشوفك بتتسحلي كده عشان اطفي ڼاري منك هطلع معاش مبكر بسببك
في مكان مظلم كان مقيد علي كرسي وجلس أمامه رجل بكل كبرياء وقوه
الرجل وهو ېدخن برضو مش هتعترف مين اللي بعتك تتجسس عليا
نظر له الرجل المقيد ببرود وسخريه لا
احترق الرجل الذي أمامه من بروده ماتنطق بقي صدقني الانكار مش هيفيدك لو قلتلي مين اللي بعتك انا هديك مبلغ كبير عمرك ماتتخيله وهتكون دراعي اليمين
نظر له ببرود شديد اممممممم لا
احترق الرجل اكثر وأشار لرجاله ليبدأوا يهجموا عليه ولكن لحظه واحده ووجد رجاله مسطحين في الأرض نظر لهم پصدمه ثم رفع نظره وجده يقف أمامه بطوله وعضلاته ونظرته المخيفه نظر له بړعب ازاي ازاي انت مين
نظر هو