المخادعة ايمان شلبي

اسكريبت بقلمي إيمان شلبي 
انتي عملتي بلوك ليه!
كنت قاعده وسط اصحابي بنضحك ونهزر وفجأه اقتحم المكان شاب لاول مره في حياتي اشوفه بيوجهلي سؤال مقدرتش افهمه!!
بصيت يمين وشمال باستغراب وبعدها شاروت علي نفسي 
حضرتك بتكلمني انا
رد بعصبيه
اومال بكلم امي
قومت وقفت وهبدت علي التربيزه بعصبيه 
انت مين انت اصلا عشان اعملك بلوك هو انا اعرفك يابني ادم!!

ضحك بسخريه 
ااه اعملي فيها هبله وعبيطه بقي قدام صحابك
بصيت لصحابي وانا بشاورلهم أنه مچنون!
ايه الجنان ده بجد 
تبقي قاعد لا بيك ولا عليك تلاقي نفسك عملت بلوك لواحد متعرفهوش من الأساس
بصلي بحزن والدموع بتلمع في عينه 
ليه بعد ما حبيتك تبعدي عني
يا استاذ صدقني والله انا معرفش انت مين 
اكيد حضرتك بتشبه عليا
صړخ پجنون وهو بيحط الفون في وشي 
ازاي بشبه ازااااي 
مش دي انتي !
بصيت للصوره لقيتها صورتي فعلا وبشعري كمان!!
رديت بذهول 
ا انت ا انت جبت الصوره ديه منين
ضحك بذهول 
مش معقوله بجد مش معقوله البراءه اللي في عيونك ديه
عايزه تثبتي لاصحابك اللي قاعدين انك محترمه 
مع أن انتي بنفسك اللي باعته الصوره ديه وغيرها من الصور كمان
رديت پجنون وهستريه 
انا مبعتش حاجه بقولك انا معرفش انت مين من اساسه!
ا انت ا انت مهكر الفون بتاعي مش كده 
ا انا مش هسكت انا هبلغ عنك مش هسيبك ياحقير ياحيوان
صړخ فيا وهو بيمسكني من ذراعي 
وانا هعمل كده ليييييه 
انتي ليه مش عايزه تعترفي أن انتي اللي كنتي بتكلميني 
صدقيني والله العظيم انا حبيتك 
و ولو عايزه اتقدملك النهارده قبل بكره موافق
بس ارجوكي ارجوكي كفايه كڈب 
ا انا لحد دلوقتي مش قادر افهم انا عملت ايه عشان تعمليلي بلوك وتبعدي عني بعد ما حبيتك!
انا اذيتك في ايه 
ا أنا ا انا مقدمتش ليكي غير كل الخير والحب
ردت واحده من اصحابي 
يا استاذ اكيد حضرتك فاهم غلط وسام عمرها ما كلمت شاب لانها عارفه أنه حرام
بص قدامه بشرود 
ا ازاي اومال مين اللي كان بيكلمني
رديت بهدوء 
ممكن اشوف الاكونت اللي كان بيكلمك
فتح الفون بنفس الشرود وانا اقفه حاطه ايدي علي قلبي وبتنفس بسرعه وخوف
فتح الاكونت والغريبه أنه كان الاكونت بتاعي!!!!
صفاء صاحبتي باستغراب 
وسام ده فعلا الاكونت بتاعك 
مش معقوله ا ازاي
بصيلهم بابتسامه كلها سخريه 
صدقتوني ولا لسه مصدقين صاحبتكم انها عمرها ما كلمت شاب
صفاء 
وسام افتحي الاكونت بتاعك
بصيتلها بشرود والخۏف بدأ يزيد جوايا والدموع بتتجمع في عيوني
شدت مني الفون وهي بتجز علي أسنانها 
انا مستعده اثبتلك دلوقتي أن وسام مش كذابه وان انت جاي تتبلي عليها وتشوه صورتها قدامنا
إيمان شلبي
فتحت الاكونت ودخلت علي الماسنجر وبالفعل مكانش في أي شات بيني وبين حد إلا اصحابي البنات!
حطيته قدامه وانا واقفه بعيط وجسمي بيتنفض من الإحراج اللي اتعرضتله
مكنتش قادره افهم الغرض من الخدعه ديه كان ايه
ولا قادر افهم