رواية غرام الادهم الحلقة الثانية
انت في الصفحة 1 من صفحتين
بتبصله غرام پصدمه ونظرات كلها كره وحقد وتطلع من المحاضره
بعد متطلع غرام بيكمل هو المحاضره والمحاضره بتخلص وبيطلع يلاقيها قاعده زعلانه واول ميطلع بتبص عليه تلاقيه بيبصلها وبيغمزلها ويمشي
بتشتمه غرام ف سرها وبعدين بتلاقي ندا طلعت
ندي: انا اسفه ياغرام كله دا بسببي
غرام: انت ملكيش ذنب ياندي هو الى بنى ادم مغرور وشايف نفسه
ندي: خلاص متزعليش انا كتبت المحاضره علشان نذاكر سوا
غرام: ربنا يخليكي ياحببتي يلا نتمشي شويه
وهما بيتمشو سوا بيلاقوا حمزه بيشاور لغرام
ندي بتغمزلها وبقولها روحي شوفيه وانا هستناكي هنا علشان نروح سوا بس متتاخريش عليا
غرام: اشطاااا ياقلبي
بتروح غرام لحمزه وبتسلم عليه
حمزه: وحشتيني
غرام: وانت كمان وحشتنى
حمزه: متيجي نخرج سوا النهارده
غرام: مينفعش النهارده ياحبيبي انا وعدت ندا انى هروح معاها وكمان مقولتش لبابا حاجه
بيزعل حمزه وبيقولها خلاص خليها مره تانيه
غرام اوعدك هعوضهالك مره تانيه بس متزعلش انا مبحبش اشوفك زعلان منى وبتمسك ايده وهي ماسكه ايده بيشوفهم ادهم: وبيبصلها نظره احتقار وبيمشي
حمزه: ماله دا وبيصلنا كدا ليه
غرام: سيبك منه ياحبيبي دا الدكتور بتاعنا
حمزه: خلاص ماشي يلا اشوفك بعدين علشان عندي محاضره دلوقتي
غرام: خلاص ماشي باي
حمزه: باي ياحببتي
ندا: كل دا يبنتي انا قولتلك متاخريش ولا هو مين لقا احبابه
غرام: بتضربها بهزار وبتقولها يلا يالمضه نروح
بتوصل غرام البيت وبتفضل تخبط واول متدخل بتقول بصوت عالى يا اهل الداااار انا جيت
