البارت السادس و عشرون من عشقها المستحيل زينب مصطفى

الفصل السادس والعشرون
وهي تنظر لعليا بتعاطف
الحاجه رابحه وهي تربت على يد عليا بتعاطف 
طيب يا بني انا هخرج بس امانه عليك متئساش عليها وتراعي انها لسه تعبانه
لتغادر هي الاخرى الغرفه بتردد ويقوم سليم بغلق باب الغرفه من الداخل وهو يتأمل عليا الواقفه امامه بتحدي
عليا بتحدي وڠضب يغزيه كلمات جومانه المسمومه لها
انت بتقفل الباب من جوه ليه فاكرني هخاف انا مش خاېفه منك
سليم ببرود وهو ينظر لها بتقييم
عارف انك مش خاېفه وده بيثبت ليا أد ايه انك فعلا سازجه لاني في اللحظه دي عاوز اخلص عليكي

واخلص من كل المشاكل الي ملت حياتي من ساعة ماعرفتك
ليتابع پقسوه وهو يتابع الصدمه التي ارتسمت على 
وجهها من اثر كلماته
وعشان تبقي فاهمه كلامي كويس 
المشاكل الي بقول عليها مش مشاكلك مع عتمان او غيره لان دي مشاكل انا فاهم كويس انك ملكيش يد فيها .. المشاكل الي اقصدها موجوده فيكي انتي في طريقة تفكيرك وفي تصرفاتك
عليا وهي تجلس بضعف على طرف الفراش
طبعا لازم تقول كده مش خلاص فرحك على الست جومانه كمان اسبوعين لازم ابقى انا الي وحشه وتصرفاتي غلط
سليم پعنف وڠضب مكبوت وهو يتوجه اليها ويرفعها لتواجه وجها لوجه
غبيه وهتفضلي غبيه هتفضلي طول عمرك كلمه توديكي وكلمه تجيبك انا مش عارف كنت هتجوز طفله ذيك كده ازاي... 
مش شايفه اي حاجه غلط في تصرفاتك ..طيب قوليلي
مين الراجل الي يتحمل انه يجيب مراته من مكان 
عشان كانت مصاحبه واحده بسبب شوية كلام اهبل عن سرقه وايصالات وكلام ميخشش عقل طفل صغير
وبرضه بسبب قلة ثقتك فيا بدل ماتحكيلي وانا اساعدك روحتي لمصير اسوء من المۏت برجليكي.. ها هنا مغلطيش
ليشحب وجه عليا بشده والدموع تتجمع في عينيها
والكلمات تهرب منها فلا تستطيع الاجابه عليه
سليم وهو يتابع پقسوه
مفيش اي ثقه بينا اي خلاف ما بينا علطول طلقني وتهربي ..
مين واحده محترمه تهرب في نص الليل من بيتها بفستان ميفرئش كتير عن مفكرتيش 
انك ممكن تقابلي حد ممكن يطمع فيكي وانتي ماشيه لواحدك في نص الليل ...دا حتى لما وصلتي القطر رحتي قعدتي في بيت ست متعرفيش عنها حاجه 
مش يمكن كانت واحده مش كويسة وبتضحك عليكي علشان تروحي معاها
و بسبب قلة ثقتك في كلامي عرضتي نفسك لكل انواع الاخطار الي ممكن تقابل واحده ست.. 
لكن طبعا وده يهم في ايه اهم حاجه
اهرب من سليم ..
وبعدها دخلنا في عتمان ومحاولته انه يخلص عليكي الي كانت ممكن تنجح بمنتهى البساطة لو اتاخرت دقايق عنك
وده كله كان ممكن ميحصلش لو كنتي ذي اي واحده عاقله بتحترم جوزها وعندها ثقه فيه 
وختمتيها بانك ترفعي ايدك علياا قدام كل الموجودين من غير اي احترام ليا اوحتى خوف من رد فعلي وده ليه 
ده لاني دلعتك