عمتي هي امي

قصة عمتي هي امي البارت الاول 
هحكلكم قصتي اسمي أحمد عندي 30 سنه واخويا عمار عنده 23 سنه 
من حاولي 23 سنه ابويا عمل حاډثة سير وراح امي وقتها كان عندها 26 سنه وانا وقتها كان عندي 7 سنين 
وانا امي كانت حامل في اخويا امي بعد ما ولدت اخويا بخمس شهور اتقدملها عريس كويس جدا وغني جدا جدا وعايش في السعوديه امي رحبت جدا بل الموضوع كان عده علي وفات ابويا 8 شهور بظبط
بس العريس كان شرطه ان ياخدها هي بس بشنطة هدومها ولادها هو مش مسؤول عنهم ومش هيسافروا معاهم لانه كان هياخدها معاه السعودية 

وقتها امي مكنتش عايزة تضيع الفرصة دي من ايديها راحت عند عمتي كان عندها 25 سنه والدتها والدها متوفين واختها الكبيرة متجوزه في بيتها 
وهي كانت عايشة في اوضة ايجار وكانت بتدفع من معاش ولادها اللي هو 2000 جنية وكانت بتمشي حالها بيهم 
امي راحت ليها وقالت..... اسمعيني يا نورة بصراحة انا لسه صغيرة وحلوة وعايزة اتجوز والعريس اللي متقدملي مش عايز العيال وانتي عارفة اهلي علي قد حالهم ومش هيقدروا يشيلوا مسؤلية العيال 
عمتي اتكلمت........ عايزة تتجوزي واخويا معدش علي ۏفاته 8 شهور ده الحب اللي انتي كنتي بترسميه عليه ده اللي وقف قصادنا كلنا علشان يتجوزك وبعدين اهلك مش قادرين يشيلوا مسؤلية العيال انا هقدر اشيلها انا مش قادرة اصرف علي نفسي انا لولا ان ابويا الله يرحمه مجهزني قبل ما يروح مكنتش هلقي اتجوز ده معاشه 2000 جنيه اعمل انا ايه يا يا مها وبعدين انا هعدي سنه ونص من وفاه اخويا الله يرحمه وهتجوز تقدري تتقوليلي اعمل ايه 
امي ردت بجحود..... خلاص حطيهم في الملجأ انا اكيد مش هضيع فرصة زي دي ده واحد متريش وهياخدني السعودية انا عايزة اعيش في العز مش كفاية الفقر اللي اخوك كان معيشني فيه ايه مليش نفس اعيش شوية 
عمتي ردت بهدوء..... سيبي العيال واطلعي بره 
امه لوت شفتها وقالت.... قال يعني بتطرديني من الجنة خارجة ياختي 
خرجت امي وانا كنت سبع سنين واعي